МАРС: Нема штетни чоколади на македонскиот пазар

by Фокус

Компанијата МАРС официјално извести дека на македонскиот пазар не завршиле чоколадите во кои беше пронајдена пластика.

Поради безбедносни причини компанијата ги повлекува од промет производите кои се произведени во фабриката во Холандија (Veghel) поради сомневање од појава на пластика во МАРС производите.

На ниво на ЕУ, компанијата ги повлекува од пазарот производите SNICKERS, MARS, MILKY WAY и CELEBRATIONS по пронаоѓање парче пластика во еден од производите.

Од компанијата информираат дека повлекувањето на чоколадите се однесува само на производите кои се произведени во фабриката во Холандија. Ова, според нив, е изолиран случај кој се однесува само на горенаведените производи кои се произведени во фабриката во Холандија. Според МАРС, ниеден друг тип чоколади, друго пакување, големина на чоколадите, серија на производство, рок на употреба или производ кој е произведен на други локации не се засегнати со овој случај.

Поврзани новости