661
Скоро сите пратенички групи се согласни дека час поскоро треба да се усвои законот за попис, но, за жал, не успеавме вечерва да се договориме поради една од опозициските пратенички групи, рече министерот за правда Бојан Маричиќ. Тој на Сител изјави дека пописот според постојниот Закон треба да почне утре.
-Жалиме што не успеавме вечерва да се донесе законот, но јас верувам дека ова одлагање од неколку дена нема да пречи на целиот процес, бидејќи сите партии во Собранието се согласни, со исклучок на Алијанса на Албанците и Алтернатива – истакна Маричиќ.
Според него, без разлика која е определбата на која било пратеничка група, утре се очекува да се отвори седницата на која ќе се најде законот.