70
Малолетник од Скопје се сомничи дека вчера попладне запалил куќа во Кисела Вода, сопственост на седумдесетгодишен скопјанец.
-Денеска (24.01.2024) во полициска станица, во присуство на родител, претставник на центарот за социјални работи и адвокат, бил извршен службен разговор со малолетник од Скопје. Тој се сомничи дека на 23.01.2024 околу 17.00 часот на подрачјето на Кисела Вода, со употреба на пиротехнички средства, предизвикал пожар во куќа сопственост на Б.Т.(70) од Скопје, соопшти МВР.
Повредени лица нема, а пожарот бил изгаснат од екипа на Бригадата за противпожарна заштита Скопје. По документирање на случајот ќе биде поднесен соодветен поднесок.