397
Во најновиот извештај на меѓународната медиумска организација „Репортери без граници“, Македонија се најде на 117 место од вкупно 180 земји рангирани според слободата на медиумите.
Во извештајот е истакнато дека лани, новинарот Томислав Кежаровски бил во домашен притвор и дека ситуацијата со медиумите во Македонија била лоша. Како големи проблеми се истакнува и политичкото распределување на државните реклами и злоупотреба на тужбите за клевета, како начин на притисок врз новинарите.
На оваа листа, Македонија лани беше рангирана на најниско место во нејзината историја, на 123 место.
И во овој извештај Македонија е во истото друштво како и лани со државите кои имаат сличен пласман како Авганистан, Обединетите Арапски Емирати, Мали, Таџикистан…