Македонија ги затвори границите за мигранти

by Фокус 13:53
13:53

Поради зголемениот прилив на мигранти во државата, Владата донела одлука за прогласување на кризна состојба на јужната и северната граница.

Портпаролот на МВР, Иво Котевски, на денешната прес-конференција соопшти дека на јужната граница би можела да биде ангажирана и војската за да се зголеми безбедноста за локалното население а воедно да се пружи похуман и посоодветен третман за барателите на азил кои влегле во Македонија.

- Advertisements -

Според одлуката на Владата, ќе се формира главен штаб во рамките на Центарот за управување со кризи кој за кратко време ќе донесе и соодветен акциски план за постапување.

Причини за одлуката на Владата е зголемениот притисок од мигрантите на јужната граница. Само за 24 часа МВР издаде 1.327 потврди, а за последните два месеци вкупно 41. 414 странски државјани изразиле намера за барање азил.

На јужната граница најбројни се бегалците од Сирија, Авганистан и Пакистан.

Поврзани новости