Лукаревска: Државата ги ослободува компаниите од данок на личен доход и данок на добивка за март, април и мај

by fokus 11:48
11:48

Државата ги ослободува компаниите од плаќање на износот на аконтациите на данокот на личен доход, како и аконтациите на данокот на добивка за март, април и мај оваа година, информираше директорката на Управата за јавни приходи, Сања Лукаревска на денешната прес-конференција.

Директорката појасни дека ослободувањето се однесува на правните лица кои вршат угостителска дејност, туризам или транспорт, како и други обврзници кои имаат претрпено штети поради спроведувањето на мерките за заштита од корона вирусот.

- Advertisements -

Таа ги наброја и условите кои треба да ги исполнат обврзниците за да ја искористата оваа мерка.

-Да не исплатуваат дивиденда на сопствениците, награда за деловна успешност или друг вид на годишна награда на вработените или на органите на управување или надзор на даничниот обврзник од денот на стапување на сила на уредбата со законска сила до денот на траењето на ослободувањето, односно 15 јуни 2020г. Исто така да не го намалат бројот на вработени сметано до 26 март до три месеци по престанувањето на најзината важност освен во случаите на смрт, пензионирање или отказ од страна на вработените, рече Лукаревска.

Даночните обврзници за искористување на ова право потребно е електронски да поднесат барање преку системот е-даноци на УЈП.

 

Поврзани новости