Кривична пријава за осум лица поради неовластено производство и пуштање во промет наркотични дроги

Осум лица заработија кривична пријава за неовластено пуштање во промет на наркотични дроги, информираа од МВР.

Според полицијата, Одделот за сузбивање на организиран и сериозен криминал, Единица за недозволена трговија со дрога до Jaвното обвинителство за гонење на организиран криминал и корупција поради постоење основи за сомнение за сторено кривично дело – „неовластено производство и пуштање во промет наркотични дроги, психотропни супстанции и прекурсори“ поднесе кривична пријава против Ј.И (41) од Тетово, Н.Д (33) од Прилеп, Д.А. (44), Д.П. (48), Т.В.(50), Д.П (46) сите од Скопје, Г.Н. (45) од Кавадарци и Д.М (39) од Струмица.