Кривична пријава за благајничка на Институт за јавно здравје поради затајување на половина милион денари

Поради постоење основи на сомнение за сторено кривично дело Затајување член 239 од Кривичниот законик, Управата за финансиска полиција до Основното јавно обвинителство  Скопје поднесе кривична пријава против лицето Л.Р. во својство на Благајник во ЈЗУ Институт за јавно здравје.

Л.Р. со цел да прибави противправна имотна корист за себе, во текот на 2016 година во повеќе наврати присвоила доверени парични средства од извршена наплата од пациенти во благајната на Институтот, при што затаила вкупен износ од 547.329 денари, со што го оштетила Буџетот на ЈЗУ Институт за јавно здравје.