Велешката полиција поднела кривична пријава против 62-годишната В.Ј. од Кавадарци, поради злоупотреба на службената положба, информираат од МВР.
Според полицијата В.Ј. во 2016 година, како директор на општинското основно училиште „Страшо Пинџур“ од Кавадарци, во три наврати, надвор од предвидените асортимани во јавната набавка, извршила набавка на разна стока од правно лице од Кавадарци во вредност од 11.027 денари и извршила плаќање за три доспеани фактури. Подоцна, од Т.И., таа набавила други три фактури со различен опис, но со иста вредност од 11027 денари, коишто ги прифатила и извршила плаќање за дополнителните фактури. Т.И., како управител во ДТУ „ТД-ТД Трајче“ ДООЕЛ Кавадарци, во 2017 година издал три дополнителни фактури за набавка на стока што не била воопшто подигната од училиштето и кои не биле согласно постапката за јавни набавки.
Од полицијата информираат, дека со ова пријавените го оштетиле буџетот на училиштето, односно буџетот на Локалната самоуправа Кавадарци, за 22.054 денари.