Коѕијас: Заев даде согласност за промена на името, ако има договор двете земји ќе станат најблиски пријатели

Грчкиот министер за надворешни работи, Никос Коѕијас попладнево изјави дека македонскиот премиер Зоран Заев дал согласност за промена на името.

-Имаме многу заеднички интереси со ПЈРМ и ако најдеме решение за името, двете држави ќе станат најблиски пријатели на Балканот,. Ние бараме одржлив, договор на долги патеки со нашиот сосед. Целта на грчката надворешна политика е да се решат проблемите, а не да останеме покрај и со проблемите, рече Коѕијас.