Коцарев: Се радувам што се покажаа како неточни моите тврдења за Катедрата по македонски јазик

by fokus 16:59
16:59

Претседателот на МАНУ, Љупчо Коцарев денеска изјави дека се радува што се покажале како неточни неговите тврдења дека се укинува Катедрата по македонски јазик и македонска книжевност на Филолошкиот факултет „Блаже Конески“ во Скопје.

-Се радувам што на Филолошкиот факултет не постои и никогаш не постоела идеја за укинување на катедрите за македонски јазик и книжевност. Посакувам во идните реорганизации на Факултетот, рамо до рамо со различните отсеци, секогаш да бидат вклучени и отсеците за македонски јазик и јужнословенски јазици и за македонска книжевност и јужнословенска книжевност. Сите досегашни изјави и текстови поврзани со ова се мои лични изјави, со една единствена цел, заедно и достоинствено да ја прославиме годината на Блаже Конески, изјави Коцарев за Канал 5.

- Advertisements -

Тврдењата на Коцарев веднаш беа демантирани од Катедрата за македонски јазик и беа наречени опасни манипулации и измислици.

Поврзани новости