Кирацовски: Села беше за коса извлечен од останатите пратеници

by fokus 15:39
15:39

Пратеникот на СДСМ, Александар Кирацовски, продолжи со своето сведочење во Кривичниот суд за обидот за убиство врз Зијадин Села на 27-ми април минатата година.

Пред Села, според Кирацовски, стоел обвинетиот Александар Јаневски Тошта, Стојан Павлески, Кире Георгиевски и Сашо Сенков.

-За Тошта не можам да потврдам дека удирал или тепал, но сум сигурен дека тој го извлече Села од групата пратеници. Павлески постојано дофрлаше и викаше по нас. Обвинетиот Кире повеќе насочен со удари и пцовки спрема нас останатите и кон Заев. Кога видов дека Тошта го одвлекува Села, со него беше и ми се чини обвинетиот Сенков и Павлески – реце Кирацовски.

Тој рече дека откако Села бил одвлечен повеќе не го видел. Тој појасни дека Села бил извлечен насилно, а бил тегнат и за коса.

-Откако Села беше извлечен салата се преполови, односно многу лица се тргнаа од нас и замина да го “придржуваат” Села. Единствено нападите кон Заев не се намалија се додека не дојдоа специјалците – рече тој.

И Кирацовски како и претходно сведоците Џафери и Манчевски, реце дека лицата со фантомки не учествувале во тепањето, туку некогаш ја смирувале насилната толпа, а некогаш ја насочувале да дејствува.

-Еден од пратениците доби порака и рече дека Села е убиен. Тогаш неизвесноста кај сите нас се зголеми и бевме фокусирани да се сочуваме себе си – реце Кирацовски.

 

В.В.

Поврзани новости