Кина денес испрати уште еден тим астронаути во својата вселенска станица Тиангонг (Небесна палата). Астронаутите, кои во Кина се нарекуваат таиконаути, полетаа со вселенското летало „Шенжу 16“ од вселенското пристаниште Џиукуан на северозападот на земјата. Тие беа пренесени во вселената со ракетата „Long March 2F“.
Меѓу тројцата астронаути е и научникот Гуи Хаичао од Универзитетот Беиханг, првиот цивил во историјата на Кина во Вселената. Се очекува тој да изведе експерименти на станицата. Сите други кинески астронаути досега беа од кинеската војска.
Останатите двајца астронаути се Џинг Хаипенг, кој има завршено повеќе мисии од кој било друг кинески вселенски патник на неговиот четврти вселенски лет, и инженерот за летови Жу Јангжу. Тројцата астронаути од „Шенжу 16“ ќе останат на станицата пет месеци. Сегашниот екипаж на вселенската станица треба да се врати на Земјата во сабота, но датумот не е официјално потврден