Како светски прваци неготинци го прославија враќањето во Втора лига!

Голема забава се случува моментално во центарот на Неготино, откако фудбалерите на ГФК Вардар Неготино се вратија од Кичево, каде се играше бараж натпреварот со ЗФК Новаци, и каде извојуваа победа која ги врати во Втората лига.

Огромен број на навивачи се присутни на градскиот плоштад, а фудбалерите беа дочекани со огномет, песна и аплаузи. Враќањето во Втората лига се слави како огромен успех, и навивачите велат дека конечно клубот се вратил таму каде што припаѓа.

Инаку, Вардар е формиран во далечната 1938 година, и има долга традиција во Втората лига на Македонија.
Тренер на ГФК Вардар Неготино од неодамна е Љупчо Давитковски Гањо, а му помага Миланчо Мојсов.

В.К.