Легендарниот германски фудбалер и поранешен тренер на „Панцерите“ – Јирген Клинсман (61) беше бесен поради елиминацијата на неговата репрезентација од Светското првенство во САД, Мексико и Канада.
Германија дефинитивно е најголемото разочарување на турнирот бидејќи остави навистина млак впечаток во групната фаза, само за да биде елиминирана на пенали во првата нокаут рунда против Парагвај.
„Очигледно, ова е многу тажен ден за сите нас во Германија“, рече незадоволниот Клинсман за време на гостувањето на ESPN во врска со тешкиот пораз на „Панцерите“.
„Не очекувавме да бидеме елиминирани во првото коло, а начинот на кој бевме елиминирани е многу разочарувачки. Тимот изгледаше неподготвен да ја преземе контролата врз натпреварот што траеше 120 минути, немаше енергија, агресија, решителност да се добие битката против многу добар Парагвај. И сите знаевме дека ќе биде тежок натпревар“ – реч поранешниот напаѓач.
Како што истакнува Клинсман, германската репрезентација повеќе нема идентитет:
„На крајот, тие не беа подготвени ниту за пенали, што е лудо за нас, обично ни се допаѓа тоа (Германија секогаш победуваше на пенали). Начинот на кој бевме елиминирани од Светското првенство е срамен, крши срце, никој не го очекуваше тоа и е прилично ужасно, исто како во Русија и Катар. Ова сега ја става Германија во црна дупка, сè мора да се испита од глава до пети“.