Јанкулоска: Заев со креирани материјали создава фиктивна реалност

Полицијата ги следи правните процедури во случајот со прислушувањето, а нема за цел да реализира нечии дневно-политички поени.

Ова денеска го изјави министерката за внатрешни работи Гордана Јанкулоска, која е една од најчестите соговорници во прислушуваните разговори што ги објавува лидерот на СДСМ Зоран Заев.

– Доколку некоја институција достави налог за испитување на материјали во процедура која е законска, ќе постапиме по неа – изјави Јанкулоска, според која се работи за креирани материјали кои треба да создадат фиктивна реалност.