Петмесечното бебе кое умрело од глад во Унгарија наводно било болно и не ја качувало тежината, барем така тврди нејзината баба.
Девојчето било пронајдено без знаци на живот во креветот на 11 ноември во утринските часови, а некои медиуми објавија дека имало само 3 килограми. Се верува дека детето умрело од глад, а полицијата започнала истрага за убиство од небрежност.
Бабата на починатото девојче тврди дека мајката се грижела за неа, но дека бебето не напредувало.
„Целото семејство е очајно поради тоа што се случи“, вели бабата.
Таа вели дека детето било пронајдено мртво во лулката.
И бабата тврди дека детето било правилно нахрането, но не ја зголемувало тежината.
„Го менувавме млекото, ја храневме, но не напредуваше. Тешко ни беше што не се дебелее како другите деца. Имаше пет месеци, а изгледаше како новороденче”, рекла бабата.
Соседите велат дека се работи за семејство кое живее скромно. Наводно, под еден покрив живеат 12 лица, од кои пет деца.
Градоначалникот на Торнажадањи каде што почина девојчето изјави дека на семејството му е помогнато.
„Куќата ја направивме безбедна, изградивме ограда, капија, донесовме струја, дадовме градежен материјал, други дадоа и градежни материјали, мебел колку што знам, но и облека, опрема за чистење“ – рече Ференц Козка.
Од Центарот за социјална работа потврдија дека мајката на починатото бебе има уште две деца, кои се привремено преместени и ги чува нивната прабаба.
Резултатите од обдукцијата се очекува да бидат објавени денеска, за да се утврдат точните причини за смртта.
Во овој момент не се потврдени тврдењата на бабата дека детето навистина било однесено на лекар. Очигледно, во таа област има само еден педијатар.