Израелскиот министер за одбрана дал наредба за продолжување на нападите врз „Исламски џихад“ во Појасот Газа

Израелскиот министер за одбрана, Бени Ганц, денеска и нареди на армијата да ја продолжи офанзивата против екстремистичкиот „Исламски џихад“ во Појасот Газа, соопшти неговиот кабинет.

-Министерството за одбрана даде инструкции за продолжување на офанзивните напори против „Исламскиот џихад“, со акцент на спротивставување на ракетниот оган врз Израел, беше соопштено по средбата на министерот за одбрана со началникот на израелскиот Генералштаб, Авив Кохави, и други високи воени и безбедносни претставници.