Иванов: На граѓаните им треба помирување, а не реваншизам

by Фокус 12:27
12:27

Додека во светот се водат дебати за климатски промени, невработеност и сиромаштија, нашите дебати се фаќање сеир за несреќата на другиот, рече претседателот Ѓорге Иванов во обраќањето пред пратениците во парламентот.

-Јавниот простор е полн со говор на омраза, лични фристрации и одмазда. Нашите партии наместо да се напреваруваат со проекти, се доживуваат како смртни непријатели. На граѓаните им треба помирувањеа, а не реваншизам – истакна Иванов.

Тој додаде дека за помирување потребни се три работи: законско решение за обнова на судските случаи со сериозни индиции за кршење на човековите права, граѓанска и политичка одговорност за политичко монтирање на случаи, отстранување на генераторите на кризи.

-За жал, видовме пратеници со лисици без симнат имунитет и граѓани од „Заедничка Македонија“ обвинети за тероризам. Не можам, а да не ги поддржам оние кои повеќе од два месеци на мирен и достоинствен начин искажуваа грижа за државните интереси на Република Македонија. Бидејќи, дел од нивните барања беа и мои барања – истакна претседателот Иванов.

Поврзани новости