557
Претседателот Ѓорѓе Иванов попладнево на куса прес конференција на која не беа дозволени прашања од новинарите соопшти дека нема да ја повлече одлуката за општа аболиција, бидејќи таа била најдобар начин да се излезе од политичката криза.
Иванов ги повика сите кои сметаат дека им е нанесена штета со аболицијата да поднесат писмено барање до службата кај него и со правната служба ќе ги повлече аболициите за нив. За оние кои нема да поднесат барање, аболицијата ќе остане.
На оваа прес конференција претседателот ги спомна и странските дипломати и им упати порака „да внимаваат како се однесуваат да не бидат погрешно разбрани“.
