За претседателот Ѓорѓе Иванов денешното приведување на осомничените за настаните на 27 април е реваншизам.
-Кој го прекршил законот мора да одговара, но не треба да се генерализира. Ја поддржував и ја поддржувам „За заедничка Македонија“. Тие не се и не може да бидат третирани како терористичка организација. Загрижен сум за политичкиот реваншизам. Со ова се доведува до страв. Во услови кога не очекуваат многу предизвици, треба целата енергија да ја концетнрираме кон исполнување на реформите. Со реваншизам нема напредок. Повикувам на разумно однесување на сите институции. Секој е одговорен за своите постапки и за последиците. Граѓаните очекуваат просперитет, а не проблеми. Сакам да потсетам на нешто што го кажав лани: Нема ништо потрагично од поделба меѓу Македонците, рече Иванов.