Инспекторите на УНЕСКО ги испитуваат влијанијата на владините проекти на Галичица

Мониторингот на Охрид од страна на експертите од Унеско започна денеска со „чешлање“ на документацијата за владините проекти на Галичица меѓу кои изградбата на магистралниот пат А3 Охрид- Свети Наум, ски центар и изградбата на туристичко развојни зони „Љубаништа”,„Отешево” и „Стење”.

Тричлената комисија изврши увид и во досега спроведените активности,влијанието од нив, како и контрола на транспарентноста на службите во делот на тоа колку изминатиот период биле  испочитувани препораките на Унеско.

Експертите не дадоа изјава за медиумите, а забелешките ќе ги достават  по завршување на мисијата, после 14ти овој месец.