Кандидатот за градоначалник на Чаир од движењето БЕСА, Зеќирија Ибраими денеска пред општината, на чаирчани им рече дека 15 октомври е одлучувачки за ослободување на општината од 12 годишното заложништво на лошите владeтели.
-Партијата која досега владееше со нашиот Чаир, наместо да побара извинување за деградацијата што му го направи на Чаир, се уште има храброст да излезе и да бара гласови од овдешните граѓани. За да покажеме што се случи со Чаир, денеска ќе се потсетиме само на едно ветување на тимот кој досега владееше лошо со Чаир – „гасификација на Чаир“. Ова е ветувањето кое градоначалникот на Чаир, во заминување, го направи со многу помпезност и сигурност дека оваа работа ќе биде завршена во текот на мандатот 2013 – 2017, изјави Зеќирија Ибраими
