ДУИ нема да ги поддржи предлозите на ВМРО-ДПМНЕ за министри во техничката влада по предупредувањата на Мицкоски дека неговата партија нема да гласа за првиот албански премиер Талат Џафери и целиот состав на техничката влада, извори од ДУИ потврдија за телевизијата Клан Македонија.
Премиерот Ковачевски изјави дека техничката Влада ќе биде без имињата на кандидатите од ВМРО-ДПМНЕ, доколку не ја поддржуваат.
„Сите предлози за состав на техничката Влада ќе бидат доставени до Собранието, додека позициите што ВМРО-ДПМНЕ мора да ги предложи согласно законот ќе бидат празни, без имиња и презимиња. Не гледаме потреба да предлагаме, дури ни пратениците на СДСМ од парламентарното мнозинство, да гласаат за предлозите на ВМРО-ДПМНЕ доколку самите не ги поддржат. Никаде во демократскиот свет нема пример некој да предлага министри или заменици и да не ги поддржи во текот на гласањето? Не се работи за политички игри. Техничката влада е законска обврска. Таа мора официјално да го предложи новиот технички премиер. Кога ќе бидат во ВМРО-ДПМНЕ спремни да ги поддржат, пред се, нивните предлози, тогаш може да бидат предложени и поддржани од пратениците на СДСМ“ рекле извори од ДУИ.
Според изворите, ваквата одлука на СДСМ има поддршка од другите партии на власт, а доаѓа откако лидерот на опозициската ВМРО-ДПМНЕ, Христијан Мицкоски, јавно изјави дека неговата партија ќе учествува во техничката Влада, ќе предлага кандидати, но нема да ги поддржат во Собранието, а воздржано ќе гласаат за избор на техничката Влада.