Хорхе ќе ги тужи новинарите, никој не го прашал каде бил на одмор

by lali 22:19
22:19

ivanov manakiОстро соопштение до буквално сите македонски медиуми испрати кабинетот на Ѓорге Иванов бидејќи летото помина, а ниту еден новинар не прашал каде претседателот бил на одмор.

„Нечуено, дрско и безобразно е тоа што медиумите се занимаваа со тоа дека Груевски бил во Бодрум, Заев се сончал во Грција, а никој, буквално никој не се заинтересира каде летуваа претседателот и првата дама. Шефот на државава не е најден на улица па така да се однесувате кон неговата личност – него ВМРО го избра на еци-пеци-пец. Па нели е тој татко на нацијата, мајка му стара?!“, стои во протестниот допис од популарниот Хорхе.

- Advertisements -

Од кабинетот предупредуваат дека ако во рок од 48 часа новинарите не пратат прашања за одморот на претседателот, по минимум две за него и едно за Маја, медиумите ризикуваат тужба бидејќи со ваквото однесување му нанесуваат штета на угледот и на делото на Иванов.

Disklejmer

Поврзани новости