Илјадници летови за полетување и пристигнување на италијанските аеродроми денеска беа откажани поради штрајк на вработените кои бараат обновување на колективниот договор.
Околу 250.000 домашни и странски патници останаа без своите летови бидејќи агентите за прием и регистрација на туристи штрајкуваат со барање за потпишување на нов колективен договор, кој истекол пред шест години.
Околу 200 летови за Копенхаген, Стокхолм, Барселона или Палма де Мајорка, како и за Палермо или Катанија на Сицилија, беа откажани на аеродромот Фјумичино-Леонардо да Винчи во Рим.
Посебно погодени се Malta Air, која оперира со линии во име на Ryanair, Ita Airways (поранешна Alitalia) и Vueling, чии пилоти одлучија да се приклучат на штрајкот на персоналот на земјата.
Речиси 150 летови се откажани на двата милански аеродроми, Линате и Малпенса, околу триесет во Торино-Касел и исто толку летови во Палермо.
Министерот за транспорт Матео Салвини ги повика штрајкувачите да имаат „здрав разум“ да не го забавуваат движењето и „да не им наштетуваат на милиони други работници и туристи“.