193
Израелскиот премиер Бенјамин Нетанјаху повика на елиминирање на Хамас во своето прво јавно обраќање откако американскиот претседател Доналд Трамп објави, како што го нарече, „конечен предлог“ за 60-дневен прекин на огнот во Газа, објави Ројтерс.
Нетанјаху на состанок организиран од Трансизраелскиот гасовод изјави: „Нема да има Хамас. Нема да има Хамастан. Не се враќаме на тоа. Готово е.“
Трамп рече дека Израел се согласил со условите за 60-дневен прекин на огнот во Газа и го повика Хамас да го прифати договорот пред ситуацијата дополнително да се влоши, објави АП.
Американскиот лидер го зголемува притисокот врз израелската влада и Хамас да постигнат договор за прекин на огнот и размена на заложници за да се стави крај на војната.