Некогашниот фудбалски репрезентативец на Македонија, Бошко Ѓуровски во интервју за српски „Курир“ изнесе тврдење дека презимето на неговото семејство било присилно променето од Стојановиќ во Ѓуровски.
-Нашето изворно презиме по татко било Стојановиќ, а по мајка Петровиќ. Тоа презиме го носел мојот дедо Никола, кој бил српски војник во Првата светска војна.
Мојот татко е роден во Белград, потоа сите освен мојот чичко, дошле во Македонија на почетокот на Втората светска војна. После војната се случувале чудни работи во Македонија. По наредба на Тито, а неговите соработници во Македонија тоа веднаш го направиле, сите што носеле презиме на -ИЌ, морале да го сменат во -СКИ. Со оглед на тоа што мојот прадедо се викал Ѓуро, презимето било сменето во Ѓуровски. И затоа сум сега Бошко Ѓуровски а не Бошко Стојановиќ, вели некогашниот фудбалер и репрезентативец на Македонија.