Груевски: Жалам што не успеавме да истераме еден цел мандат

by Фокус 20:27
20:27

Во изјава за телевизија Сител, премиерот Никола Груевски рече дека одлуката за предвремени избори во април била донесена врз основа на интересите на граѓаните за обезбедување на економски развој и реализација на проектите. Истакна и дека му е жал што неговата Влада не успеала да истера еден цел мандат за да можела да ги заврши сите проекти.

-Жалам што не успеавме и не ни беше овозможено да завршиме еден цел мандат. Свесни сме дека на граѓаните преку глава им се предвремените избори. Многу поважна е стабилноста и сигурноста на државата и на граѓаните, сигурноста на бизнисот. Не смееме да дозволиме тоа да запре, изјави премиерот за телевизија Сител.

- Advertisements -

Груевски рече дека бил сигурен во поддршката на граѓаните на политиката на економски развој. Исто така, посочи дека вчерашна одлука да прифатат предвремени избори покажала дека владејачката партија верува и цврсто е убедена во тоа дека граѓаните ќе ја одберат таа опција, а не опцијата на, како што рече Груевски, несигурност, деструктивност, ширење на омраза на штета на државата заради партиски и личен интерес.

 

Поврзани новости