Груевски: Спремаме големи реформи во повеќе области

Лидерот на ВМРО-ДПМНЕ Никола Груевски најавува големи реформи во повеќе области, тргнувајќи од судство, медиуми, администрација и безбедноста.

– Иституциите со сите капацитети работат да ги подготват првите чекори, драфтови и се она што е потребно за да се почне еден процес на исполнување на барањето на извештајот на Европската Унија или наречен Извештајот на Прибе – изјави Груевски.

Тој вели дека институциите се во длабока фаза на подготовка на поголем број законски измени, одлуки и мерки кои треба да се направат. Во овој процес, Груевски рече дека ќе и дале место да учествува и опозицијата, доколку таа сакала.