Груевски: Со судењето за Титаник сакаат да ги затскријат преговорите за името

Експремиерот Никола Груевски по одложувањето на денешното рочиште за случајот Титаник во изјава за медиумите повторно потенцираше дека судењата против него се со цел за да ги стават во сенка преговорите за името.

„Денеска на медиумите прва вест е судењето за Титаник, а дури по неа е веста за преговорите за името. Додека денеска течеше судското рочиште во Охрид се одржуваат преговори за името, а на претходното рочиште за случајот Титаник во исто време се одржуваа преговори за името во Виена. Па, сега вие заклучете што е намерата – рече Груевски.