Груби тврди дека не го одложил Законот за јазици поради пораката од Хан

„Проценив дека неделава е многу значајна за други реформски прашања и дадов предност на тоа за да не овозможам дефокусирање на јавноста од тоа што во моментов е најзначајно и итно“,  вака претседателот на комисијата за европски прашања Артан Груби за Телевизија 24 ја објаснува зошто комисијата за европски прашања на која што требаше утре да почне амандманската расправа за законот за јазиците е откажана.

Груби тврди дека оваа одлука нема врска со предупредувањето на еврокомесарот кој јасно и порача на Владата дека законот за јазиците не е европски приоритет.