Грчки медиуми: Коѕијас во Парламентот денеска ќе претстави 30 доверливи документи за преговорите за името со претходните влади

by Fokus 11:07
11:07

По наредба на Никос Коѕијас, околу 30 доверливи документи поврзани со преговорите за името, било побарано од грчкото МНР да се декласифицираат, а денеска министерот за надворешни работи на Грција ќе ги објави на расправата во Парламентот, објавуваат грчките медиуми, повикувајќи се на владини извори.

За информацијата не постои официјална потврда, а според натписите, станува збор документи кои откриваат како преговарале претходните грчки влади, на што се согласиле, што предложиле.

- Advertisements -

Како што јави дописничката на МИА од Атина, шефот на грчката дипломатија, во изминатиот период, преку интервјуа за медиумите ги обвинуваше партиите во Грција кои во минатото биле на власт, а сега се опозиција и против договорот, дека преговарале со помеки позиции и за тоа постојат документи во министерството.

Поврзани новости