Граѓаните се судрија со полицијата, таа не ги пушти пред МВР

Демонстрантите се обидоа да го пробијат полицискиот кордон поставен на улицата под МВР но не успеаја. За да ги спречат да протестираат пред министерството на Јанкуловска од која бараат оставка, полицајците се поставиле далеку пред МВР и не дозволуваат да се помине.

Првите редови граѓани се обидоа да поминат низ кордонот, но жестината на полицијата ги попречи. Во немоќ, а и за да не предизвикаат поголем инцидент демонстрантите се откажаа од намерата и се упатија кон Собранието. Практично и денешниот протест е претворен во марш низ улиците на Скопје затоа што граѓаните немаат локација на која би изразиле револт и би побарале оставки од Јанкуловска и Груевски.