Градот Скопје со 10 возила фрлаше сол на црните точки во градот

Екипите на зимската служба на Град Скопје во текот на изминатита ноќ фрлиле 103 тони сол на градските булевари и улици за да спречат појавување голомразица.

Екипите на зимската служба со 10 возила интервенираа низ градските сообраќајници и на критичните точки, односно на сите мостови, клучки, надвозници, подвозници и високите зони кон Водно, Пржино, Железара, како и на сите други таканаречени „црни точки“ во градот.

Градот Скопје им препорачува на возачите да возат внимателно и да се придржуваат на условите на коловозите. Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување.