Гостиварци платиле во кафеана со фалсификувани 100 евра

Двајца гостиварци добија кривична пријава поради „фалсификување пари“ и „измама“, откако со фалсификувани 100 евра платиле во кафеана.

„Надворешната канцеларија за криминалистички работи Гостивар поднесе кривична пријава против Х.Е.(24) од село Добридол, гостиварско и Ч.И.(21) од село Топлица, гостиварско, поради постоење основи на сомнение за сторени кривични дела „фалсификување пари“ и „измама“. На 02.03.2018 година во угостителски објект во Гостивар, пријавените платиле сметка со фалсификувана банкнота од 100 евра“, велат од МВР.