Георгиевски: Не го чепкавме Бранко за приватизацијата, бидејќи тогаш не постоеше членот за злоупотреба на службената положба

Поранешниот премиер Љубчо Георгиевски во вечерашното интервју на ТВ 24 рече дека кога тој бил премиер не постоел членот за злоупотреба на службената положба и затоа не ја истражувале приватизацијата која ја спроведе Бранко Црвенковски.

-Зошто ние не го чепкавме Бранко за приватизацијата? Затоа што тогаш не постоеше членот 353, односно „Злоупотреба на службената положба“. Тој член во комунизмот го имаше, потоа го укинаа и правеа што правеа осум години. Потоа ние го вративме тој член за да се заштитиме од корупција, рече Георгиевски.