Гажоски: Казната од девет години за Поповски е соодветна, но мислам дека Апелација ќе ја намали

by fokus 21:46
21:46

Адвокатот Ѓоко Гажоски за „Фокус“ вели дека според него, пресудата од девет години затвор за Ѓоко Поповски во случајот „Триста“ е соодветна, со оглед на околностите и причинетата штета на државниот буџет.

-Според мене ефективната казна затвор е соодветна, со оглед на тоа што истиот е прогласен за виновен, според член 353 став 1 во врска со став 5 бидејќи го сторил кривичното дело при вршење на јавна набавка на штета на средствата на буџетот на Р.М. Е сега во став 5 стои најмалку 5 години , а нема горна граница. Па водејќи се од сите околности сметам дека е соодветна.
А во однос на генералната превенција упатува јасна порака, бидејќи во иднина сите високи државни функционери ке бидат внимателни при нивното постапување и ќе се однесуваат како добри домаќини со средствата на државниот буџет, вели Гажоски.

- Advertisements -

Сепак, тој предвидува дека Апелациониот суд по жалбата на бранителот на Поповски ќе ја намали висината на ефективната казна затвор.

К.С.

Поврзани новости