ФОТО: Вулканот Килауеа на Хаваи исфрла лава од над 61 метар, досега уништи 31 куќа

Потоци лава, растопена карпеста маса и отровни гасови од вулканот Килауеа уништија 31 куќа на островот Хаваи, соопштија локалните власти.

Вулканот исфрла лава на височина од над 61 метар.

Околу 1.700 луѓе беа евакуирани, а дел од нив подолг период нема да можат да се вратат во своите домови.

Околу 240 лица минатата ноќ ја поминаа во засолништа. Дел од нив добија дозвола денеска да одат до своите домови и да ги земат миленичињата, потребната медицинска терапија.или документи.

Научниците предвидуваат дека вулкански ерупции и земјотреси може да има во следните неколку месеци.

Килауеа е еден од петте активни вулкани на островот, континуирано еруптирајќи од 1983 година.

Фото: Си-Би-Ес Њуз

Фото: Си-Би-Ес Њуз