427
Граѓанското здружение „Протестирам“ продолжува со протестите секоја вечер во 18 часот. Од таму додаваат дека оставките на министерската за внатрешни работи Гордана Јанкулоска, министерот за транспорт и врски Миле Јанакиески и шефот на тајната полиција Сашо Мијалков се победа на граѓаните и охрабрувачки знак дека нашето делување веќе носи позитивни промени.
Тие денеска протестот го започнаа традиционално од пред Влада, каде ги пречекаа кордон полицајци и се упатија кон Основниот суд Скопје 1. Граѓаните веќе десет дена по ред излегуваат на масовни протести, кои почнаа откако лидерот на СДСМ, Зоран Заев ја објави „бомбата“ за прикривањето на убиството на 21-годишниот Мартин Нешковски.
