Претседателката на Европската комисија, Урсула Фон Дер Лајен најави грант од 80 милиони евра за Македонија, пари кои треба да и помогнат на земјава да се соочи со последиците врз граѓаните и стопанството поради зголемената цен на струјата.
Тоа ќе биде итна буџетска поддршка за земјава којашто ќе може да ја користиме од јануари.
Таа најави и грантови од 500 милиони за регионов за инвестирање за да се обезеди независност од руските фосилни горива.
Таа порача дека Европа ќе биде заедно со Македонија во оваа војна и криза поради војната во Украина.
-Оваа војна со себе носи свирепост и уништување за украинскиот народ и задава дополнителни удари низ целиот свет. Како што сите знаеме и како што сите гледаме Русија продолжува да ја користи енергијата како оружје и манипулира со енергетските пазари. Ова резултираше со зголемени цени на енергијата и со нестабилна безбедност на снабдувањето и за жал и Северна Македонија е погодена од тој удар.
Но, бидете сигурни дека и ние го чувствуваме истиот притисок, но нема да се предадеме нема да отстапиме ниту еден сантиметар, бидете сигурни дека сме солидарни и обединети и со Северна Македонија и оваа криза ќе ја решиме и ќе ја надминеме заедно.
Европската унија е покрај вас, во ова сме заедно и ќе ја надминеме оваа криза заедно и ќе се придвижиме кон подобра иднина, рече Фон дер Лајен.