Филипче: Се друго освен нов клинички центар е парцијално решение

by fokus 12:48
12:48

Министерот за здравство Венко Филипче денеска одржал состанок со дел од поранешните министри за здравство, со кои разговарал околу проектот за нов клинички центар. Генералниот заклучок, како што рече, бил дека веќе предолго се разговара за изградбата и оти таа треба да почне што побрзо, како и дека друго решение освен нов клинички центар, на ново место како гринфилд инвестиција, би било парцијално решение. Филипче побара опозицијата да биде конструктивна и, како што нагласи, со блокирање на законот да не им го крати правото на граѓаните за соодветна и модерна здравствена заштита.

-Денеска организиравме состанок со дел од претходните министри за да разговараме околку проектот за новиот клинички центар, со цел да споделиме искуства, некои сознанија, перспективи предизвици со кои тие во својот дел од мандатот се соочувале. Практично заеднички став е дека ова прашање предолго се одолговлекува и се разговара повеќе од 15-20 години. Постигнат е на некој начин консензус по ова прашање дека секое друго решение освен нов клинички центар на ново место како гринфилд инвестиција е парцијално решение, рече министерот за здравство.

- Advertisements -

Само потполно нов клинички центар, според него, може да понуди модерен и интегриран тип на здравствени услуги, нешто го го има во развиените земји.

– Ние може да разговараме и за други парцијални решенија, но сето тоа нема да донесе суштинска промена во здравствениот систем во нашата земја, рече Филипче,

Тој смета дека однесувањето на ВМРО-ДПМНЕ по ова прашање е навистина некоректно, и потенцира дека опозицијата нема право да ја ускратат можност за подобра здравствен заштита на грааните.

– Не кажувам дека не може да разговараме за друга алтернатива. Но, отсуство на дискусија, бликирање закон со 2.000 амандмани кои не се конструктивни е нешто што сметам дека не е оправдано и оти е злоупотреба некој начин на политичката позиција. Повторно апелирам да дојдат, да се охрабрат да разговараме без разлика дали тоа ќе биде на Комисијата за здравство во Собранието или на јавна дебата која на крајот на месецот ќе ја организираме во Собраието на која ќе учествуваат сите чинители кои треба да дадат коментар по ова прашање, истакна министерот Филипче.

Според него, граѓаните заслужуваат фактите што е тоа што се предвидува да има во новиот клинички центар, што се е предвидено да има за таа сума на средства, но што би значело тоа за следните пет-шест децении во делот на развојот на здравствеиот систем.

Поврзани новости