Тим од Детската клиника денеска оди во Гевгелија каде заедно со тамошните лекари во Општата болница ќе испитуваат од каква респираторна инфекција заболеле 50 – тина деца и бебиња во овој град.
-Бидејќи се уште нема детали ниту за каква инфекција се работи, ниту индиции што би можело да ја предизвика. Тестовите за ковид-19 кај децата биле негативни, а нема пријавени вакви случаи во други градови. Во моментов во болницата се хоспитализирани само две бебиња, поради возраста, а околу 20 деца се на терапија, рече министерот за здравство Венко Филипче
Министерството за здравство вчера објави дека вкупно 50 деца и бебиња од Гевгелија во изминатиов месец побарале лекарска помош во локалната општа болница, со симптоми на респираторната инфекција не се типични за овој период од годината – односно самите инфекции кои се појавиле сега во топлиот период, се карактеристични за есен и зима.
Денеска тим од Клиниката за педијатрија, во состав д-р Аспазија Софијанова, д-р Весна Мицевска и д-р Валентина Јовановска Огненовиќ ќе бидат упатени во општата болница во Гевгелија, за поддршка на педијатрите и евентуални дополнителни испитувања во делот на специфична дијагностика.