Факултетот за драмски уметности бара одговрност за скандалозните студентски избори

by fokus 11:23
11:23

Наставно-научниот и уметнички совет на Факултетот за драмски уметности во Скопје донесе повеќе заклучоци во врска со одржаните избори за студентски лидер. Бараат да се стопира финансирањето на СПУКМ до разрешувањето на настанатата ситуација произлезена од скандалозните избори но и да се лоцира одговорноста за насилството врз студентите. Еве што се вели во нивното соопштение.

1.Најостро го осудуваме скандалозниот начин на кој беа организирани и спроведени изборите за претседател на СПУКМ, спротивно на сите процедури, норми и критериуми за одржување фер и демократски избори. Оттаму, ННУС на ФДУ Скопје не ги прифаќа резултатите од вака спроведените избори;

2.Согласно горенаведеното, учеството на претставниците на постоечкиот Студентски парламент во понатамошната работа и одлучување во телата и органите на УКИМ за нас е недозволиво.

Затоа, од раководните лица и органи на УКИМ бараме:

Суспендирање на учеството и одлучувањето на претставниците на СПУКМ во соодветните тела и органи на УКИМ, сè додека не се извршат статутарни измени што ќе овозможат одржување регуларни избори за студентски претставници;

Да се стопира финансирањето на СПУКМ до разрешувањето на настанатата ситуација;

Бараме да се лоцира одговорноста за присуството на надворешни лица на територијата на УКИМ кои употребија насилство врз студентите на УКИМ. Инстистираме на правна одговорност на оние кои наредија вмешување на Специјалните полициски единици на МВР на РМ и употреба на прекумерна сила врз студентите на УКИМ.

Поврзани новости