Почина модниот креатор Карл Лагерфилд

Почина легендарниот германски моден креатор Карл Лагерфилд, на 86 години од животот.

Како што пренесуваат француските медиумите Лагерфилд не се чувствувал добро последните недели, поради што и испуштил неколку модни ревии.

Ексцентричниот дизајнер е роден во Хамбург во 1938 година, во богато германско семејство. Во Париз емигрирал на 14 години, каде и стекна светска слава во светот на модата.

Најпознат е како креативен директор на брендот „Шанел“, но имаше и своја модна марка.