Шеснаесетгодишната Ера Коџа, од карате клубот „Уранику“ од Дебар, се закити со златен медал во категоријата до 59 килограми за јуниори, на Балканското карате првенство за кадети, јуниори и У-21 што се одржува во Река, Хрватска.
-Пресреќна сум. На мојата радост и нема крај. Ете златото блесна на моите гради, кусо ни рече во телефонскиот разговор Ера.
На нејзиниот голем успех горд е и тренерот Дурим Пачуку, кој на ова првенство во склоп на македонската карате репрезентација е со уште тројца каратисти од Дебар.
-Ера во финалната борба славеше против српската каратистка Александра Милутиновќ 4-4, со прв освоен бод. Претходно ги совлада Дора Зугчин од Хрватска, со 3-1, Касиани Фримаки, Грција со 6-2, Кристина Ѓорѓевиќ, Србија, со 6-0 и Зоја Авзнер, Словенија со 2-3. Чувството на гордост не можам да го искажам, ни рече Пачуку.