Епилог од новогодишната ноќ: 27 лица претерале со алкохол, четворица се повредиле од петарди, а двајца биле погодени од залутани куршуми

За време на новогодишната ноќ, 27 лица ја посетија Клиниката за токсикологија во градскиот Клинички центар, а најмладото лице имало 16 години, информираше директорот на Токсикологија, Нико Бекјаровски.

Тој истакна дека Ургентниот центар во болницата „8 Септември“ го посетиле 38 лица, од кои 4 со поблаги форми на повреда поради тепачки.

На Хирургија, пак, пристигнале 4 лица со изгореници на рацете од петарди, но без сериозни повреди, а пристигнале и двајца пациенти со површни рани на вратот од огнено оружје од залутани куршуми.