ЕК: Да продолжи имплементацијата на Договорот од Пржино

Портпаролката на Европската комисија, Маја Коцијанчич, денеска ја поздрави одлуката на Иванов за повлекување на сите аболиции и порача дека сега политички лидери треба да се вратат на маса за имплементација на договорот од Пржино и да се одржат итни и кредибилни избори.

-Но, очигледно многу време е загубено и сега е поитно од кога било политичките лидери да се вратат на маса за имплементација на договорот од Пржино на инклузивен принцип. Посебно за итни и кредибилни избори што мора да се спроведат за итните реформски приоритети и за земјата да се движи во вистинска насока, а тоа е кон владеење на правото и кон евроатлантскиот пат, рече Коцијанчич.