Двојно убиство утринава во осум часот се случи во Прилеп. Педесетгодишен прилепчанец со пиштол ги убил својата сопруга и нејзината мајка, а осомничениот за убиството и братот на неговата сопруга се повредени и хоспитализирани во болница.
Неговата сопруга била на возраст од 41 година, а нејзината мјака на возраст од 63 години. На местото на убиството, во куќа на улицата „Александар Македонски“ се врши увид по наредба на Обвинителството, од каде соопштуваат дека убиецот и неговата сопруга имале брачни проблеми.
-Со две прострелни рани се здобило и уште едно лице, брат и син на оштетените, кое било во просторијата. Во обидот да биде совладан, повреден е и осомничениот. Повредениот оштетен и осомничениот се пренесени во прилепската болница каде им се укажува медицинска помош.
Во насока на расчистување на кривично правниот настан , по наредба на јавниот обвинител подигнати се и обезбедени траги од лице место. Издадена е наредба за обдукција над починатите. Обезбедените траги од лице место ќе бидат предмет на вештачење. Јавниот обвинител издаде и Наредба за претрес во домот на осомничениот прилепчанец кој, според сознанијата на обвинителството, поради претходно нарушени брачни односи не живеел во заедница со неговата сега почината сопруга, соопштуваат од Обвинителството.