ДУИ очекува голема историска победа на нивниот кандидат Бујар Османи

ДУИ очекува голема историска победа на нивниот кандидат за претседател, Бујар Османи, кажа на првата прес-конференција по затворањето на гласачките места Арбр Адеми од ДУИ.

Според него, сите информации од терен покажувале дека ќе се потврди голема историска победа.

-Низ текот на целиот процес имавме фер и демократски дух. Ова е наш заеднички успех. Покажавме демократска зрелост како земја членка на НАТО и кандидат за членство на ЕУ. Вашата волја ќе биде запишана и ќе биде дел од идните политика на Северна Македонија, рече Адеми.